سلام ياعزوتـي منـي سـلام=
ربعي ذرى الجنب يانعم الـذرى=
وأرفـع سـلام القبيلـه كلهـا=
حب الوطـن فالقلـوب معمـرا=
إمزايـن البـل رفـع مقدارهـا=
أعز ثروه علـى وجـه الثـرى=
حان المزاين ياصبيـان البقـوم=
ميعادنـا قـدم مانـرجـع ورى=
إمزاين البل رسمنـا لـه وعـد=
اللي درى يخبر اللـي مـادرى=
فينا التعاون وعشق الطايـلات=
إبليس مابـاع فينـا وإشتـرى=
شيوخنا رايهـم سـوى سـوى=
وتاريخنـا فالكتـاب مسـطـرا=
سيرة بطـولات وإنجـازٍ فريـد=
من تحت رضوان لا رأس القـرا=
فرساننا تنطح الجمـع المخيـف=
سالت رياحيـن بالـدم أحمـرا=
أحب ربعـي وأضحـي لجلهـم=
لاإلــه إلا الله والله أكـبــرا=
حنا قبايل واهل غـرس ومـدر=
فرسانهـا كـل مـارد البـرى=
البل عطايـا الله اللـي زانهـا=
حـلال قـاده وسـاده وأومـرا=
الله ذكرها لهـا خلـق عجيـب=
ياماجـرى فوقهـا يامـاجـرى=
حنـا إحتفظنـا بهـا ونحبهـا=
مـن لاقنوهـا يعـدَون فـقـرا=
سودٍ ليا شفتها مثـل الهضـاب=
لعلـهـا مايـراهـا الأقـشـرا=
والوضح عشاقهـا مايسمعـون=
ولا البرد مـن سحابـه لمطـرا=
والشعل مثل الشفق عند الغروب=
حـلال بـدوٍ عـوارف وخبـرا=
والصفر يازين سمـك شعافهـا=
وصفتهـا مثـل لـون العنبـرا=
تجسر بنا كل ماطاح السحـاب=
نرعى بها ديـرة القـوم جهـرا=
قدام نعط الـولاء لبـن سعـود=
عبد العزيـز الزعيـم الأكبـرا=
من يوم طب الرياض من الكويت=
حظه مخاويـه يومنـه سـرى=
اليـوم حنـا جنـودك ياوطـن=
رفرف طرب ياعلمنا الأخضـرا=
الإهداءات
شيلة الشاعر / فيصل الرياحي ( مال المواقيف غير رجالها )
رد: شيلة الشاعر / فيصل الرياحي ( مال المواقيف غير رجالها )
العرض العادي
