بسم الله الرحمن الرحيم
اخواني اعضاء وزوار منتديات قبايل شبه الجزيرة(( موقع كل العرب ))
اخترت لكم هذه القصيدة و التي قيلت عام 1426 هـ
لعزاء الشعب السعودي ولمبايعـــــــة لصقر العروبه .. وخادم الحرمين الشريفين
الملك / عبدالله بن عبد العزيز أل سعود حفظة الله
وطرحها اليوم لتجديد الولاء والمبايعه في ذكرى توليه الحكم للسنة الرابعه ..
بأسـم قبايل البقــوم ,,
يوم الأثنين احزاننـا جـت صعيبـه
0 0 0 قالوا حداد ونكسـت كـل الاعـلام
الأ علم مـن خـاف ربـي رقيبـه
0 0 0 آل السعود اللي علـى البيـت خـدام
على فهـد عـز العـرب تعتزيبـه
0 0 0 عز العروبـه والأرامـل والايتـام
وزبون من كبرت عليـه المصيبـه
0 0 0 إليا نزل فـي ديرتـه مثـل صـدام
قال ابشروا والملك يرجـع غصيبـه
0 0 0 حنـا انريَـم نـافـرٍ مابـعـد رام
فهـد إليـا جـاء فالمحافـل تهيبـه
0 0 0 إليا رضى يرضيك وان زعل لطـام
ليـثٍ ولـد ليـثٍ فعولـه عطيبـه
0 0 0 عبدالعزيز اللي على المـوت مقـدام
خلا الركـاب اسبورهـا فالجذيبـه
0 0 0 وحوَل على عجلان فالصبـح مانـام
تله برمـح (ن) مايعالـج صويبـه
0 0 0 وشلفن لها مع ضبَة البـاب مهـزام
تسابقـنـه والمـنـايـا قـريـبـه
0 0 0 مثل الحرار اللي على الخرب عـزام
هلـل وكبـر والمنـابـر تجيـبـه
0 0 0 قال ابشروا بالعز دوب السعـد قـام
وأخر لنـا روس الحـرار الأديبـه
0 0 0 حكام مـن حكـام والاصـل حكـام
عبـدالله اللـي مايواطـن حريـبـه
0 0 0 غيثً علـى شعبـه يجيلـه تـرزام
حـط اللقـب خـدام مكـه وطيبـه
0 0 0 والشعب بايع واحتـزم فيـه بحـزام
وسلطان محمود السجايـا العجيببـه
0 0 0 خيره علـى وجهـه يجيلـه تبسـام
الشعب راضي بـه وهـو رضيبـه
0 0 0 ابو واخو لخاطب الخـاص والعـام
قلته وانا مـن رووس قـومٍ عريبـه
0 0 0 سَمو البقوم اللي يضـدون الأخصـام
يـوم القبايـل فعلـهـا تستنيـبـه
0 0 0 كم بارق(ن) رحنا على خشـم كعـام
يشهـد لنـا ريحـان وادي شعيبـه
0 0 0 يمشي بثراه الـدم عـام بعـد عـام
من دون غرس(ن) ناعم(ن) في ركيبه
0 0 0 مادنسوا عرضـه عبابيـد الأصنـام
لافـرعـن منقـضـات الذويـبـه
0 0 0 نِره العشاء لمعكَف الريـش لا حـام
وإن بايعـوا عنـد العهـد تعتنيبـه
0 0 0 يشهد لنا التاريخ مـن روس الاقـلام
وسلامتكم
الشاعر / نواف بن راشد المرزوقي
منقوووول
الإهداءات
قصيدة مبايعة االبقوم ..للملك / عبدالله بن عبدالعزيز آل سعود وحكومته.
رد: قصيدة مبايعة االبقوم ..للملك / عبدالله بن عبدالعزيز آل سعود وحكومته.
العرض العادي
